👉ఎప్స్టీన్ ఫైల్స్ ప్రకంపనలు: అమెరికా రాజకీయాల్లో మళ్లీ మొదలైన ‘ట్రంప్’ వివాదం ఈ పత్రాల విడుదలతో డెమోక్రాటిక్ పార్టీ నేతలు ఊపిరి పీల్చుకోవడం లేదు.. పైగా కత్తులు దూస్తున్నారు. ఈ ఫైళ్లను ఇన్నాళ్లూ ఎందుకు గోప్యంగా ఉంచారని వారు న్యాయశాఖను నిలదీస్తున్నారు. జెఫ్రీ ఎప్స్టీన్ సెక్స్ కుంభకోణం, దశాబ్దాలుగా అమెరికా రాజకీయ, సామాజిక వర్గాలను ఉక్కిరిబిక్కిరి చేస్తూనే ఉంది. తాజాగా అమెరికా న్యాయశాఖ (డీఓజే) సుమారు 47 వేల పత్రాలను బహిరంగపరచడం.. అందులో అమెరికా అధ్యక్షుడు డొనాల్డ్ ట్రంప్పై వచ్చిన తీవ్రమైన ఆరోపణలు ప్రస్తావనకు రావడం.. మరోసారి ఈ కేసును కేంద్ర బిందువుగా మార్చింది. ఈ పరిణామాలు కేవలం ఒక వ్యక్తికి సంబంధించిన ఆరోపణలు మాత్రమే కాకుండా.. అమెరికా ప్రజాస్వామ్య వ్యవస్థలో పారదర్శకత, న్యాయం, రాజకీయ కక్షసాధింపుల చుట్టూ తిరుగుతున్న ఒక సంక్లిష్టమైన చర్చగా మారుతున్నాయి.
⭐ పాత గాయాలు.. కొత్త ప్రకంపనలు ఎప్స్టీన్ ఫైల్స్లో తాజాగా వెలుగులోకి వచ్చిన అంశాలు 1980ల నాటి ఘటనలను గుర్తు చేస్తున్నాయి.ఒక మహిళ ఎఫ్బీఐకి ఇచ్చిన వాంగ్మూలం ఇప్పుడు సంచలనంగా మారింది.ఆ మహిళ తాను మైనర్గా ఉన్నప్పుడే జెఫ్రీ ఎప్స్టీన్ ద్వారా ట్రంప్కు పరిచయం చేయబడ్డానని..ఆ తర్వాత ఇద్దరూ తనపై లైంగిక దాడికి పాల్పడ్డారని ఆరోపించడం తీవ్ర కలకలం రేపుతోంది. అంతేకాకుండా ఆ సమయంలో ట్రంప్ తనతో అసభ్యంగా ప్రవర్తించారని, అడ్డుకున్నందుకు తనను హింసించారని పేర్కొనడం ఈ కేసులో నైతికతను ప్రశ్నార్థకం చేస్తోంది. గతంలోనే ఈ ఆరోపణలు చర్చకు వచ్చినప్పటికీ ఇప్పుడు అధికారిక పత్రాల రూపంలో బయటకు రావడం వాటి తీవ్రతను పెంచింది.
⭐రాజకీయ చదరంగం.. డెమోక్రాట్ల డిమాండ్లు ఈ పత్రాల విడుదలతో డెమోక్రాటిక్ పార్టీ నేతలు ఊపిరి పీల్చుకోవడం లేదు.. పైగా కత్తులు దూస్తున్నారు. ఈ ఫైళ్లను ఇన్నాళ్లూ ఎందుకు గోప్యంగా ఉంచారని వారు న్యాయశాఖను నిలదీస్తున్నారు.గత ట్రంప్ పాలనలో ఈ కేసు విచారణ ఏ విధంగా సాగిందో ఏ స్థాయిలో ప్రభావం చూపారో తెలియాలంటే పూర్తి స్థాయి విచారణ జరగాలని వారు డిమాండ్ చేస్తున్నారు. ఇది కేవలం న్యాయపరమైన అంశం మాత్రమే కాదు.. ఎన్నికల వేళ ప్రత్యర్థిని ఇరుకున పెట్టడానికి దొరికిన ఒక బలమైన ఆయుధంగా డెమోక్రాట్లు భావిస్తున్నారు.
⭐ ట్రంప్ వర్గం ఎదురుదాడి మరోవైపు అధ్యక్షుడు డొనాల్డ్ ట్రంప్ ఈ ఆరోపణలను సుస్పష్టంగా, తీవ్రంగా ఖండించారు. తనపై వస్తున్న ఆరోపణలన్నీ రాజకీయ ప్రేరేపితమని తన ప్రతిష్టను దిగజార్చడానికి ఆడుతున్న డ్రామా అని ఆయన వర్గం వాదిస్తోంది. ఎప్స్టీన్తో తనకు సంబంధాలు ఉన్నాయనే ఆరోపణలను ఆయన ఎప్పుడూ తోసిపుచ్చుతూనే ఉన్నారు. న్యాయశాఖ గతంలోనే ఈ ఆరోపణల విషయంలో కొంత గందరగోళం ఉందని పేర్కొన్న విషయాన్ని గుర్తు చేస్తూ ఇప్పుడు మళ్లీ వాటిని తెరపైకి తీసుకురావడం వెనుక
రాజకీయ ఉద్దేశాలు ఉన్నాయని వారు ఆరోపిస్తున్నారు. ⭐నిష్పాక్షికమైన విచారణే ఏకైక మార్గం.. ఎప్స్టీన్ కేసులో బాధితుల గోడు ఒకవైపు రాజకీయ నాయకుల పరస్పర ఆరోపణలు మరోవైపు ఉన్నాయి.47 వేల పత్రాల సమాచారం అంటే అది సామాన్యమైన విషయం కాదు. ఇందులో ఎంతో మంది రాజకీయ,వ్యాపార,సినీ ప్రముఖుల ప్రస్తావన ఉండే అవకాశం ఉంది. అయితే ఈ పత్రాలలోని అంశాలు ఎంతవరకు నిజం? వాటిలో పేర్కొన్న సంఘటనలకు ఆధారాలు ఏమిటి? అనేవి దర్యాప్తు సంస్థలు నిష్పాక్షికంగా తేల్చాలి. కేవలం మీడియా కథనాలు లేదా రాజకీయ ఆరోపణల ప్రాతిపదికన ఎవరినీ దోషులుగా నిర్ధారించలేం. ఎప్స్టీన్ ఫైల్స్ కేవలం గతానికి సంబంధించిన పత్రాలు మాత్రమే కావు.. అవి వర్తమాన రాజకీయాల్లో కూడా ప్రకంపనలు సృష్టించే శక్తివంతమైన పత్రాలు. అమెరికాలో ఈ ఆరోపణలు ప్రజలపై ఏ మేరకు ప్రభావం చూపుతాయో చూడాలి. ఏది ఏమైనా న్యాయం గెలవాలి.. బాధితులకు సరైన పరిష్కారం లభించాలి. ఈ మొత్తం వివాదంలో నిజానిజాలు బయటకు రావాలంటే నిష్పక్షపాతమైన, పారదర్శకమైన దర్యాప్తు మాత్రమే ఏకైక మార్గం.
👉 చైనాను తొక్కలేరు..అందుకే భారత్ ను అమెరికా తొక్కేస్తుందా?
ఈ నేపథ్యంలో, భారత్ తన ఇంధన వనరులను వైవిధ్యం చేసుకోవాలని లాండౌ సూచించారు. “అమెరికా నేడు అగ్రగామి ఇంధన ఉత్పత్తి దేశంగా ఉంది. గత దశాబ్దాల్లో అమెరికా చేసిన అతిపెద్ద వ్యూహాత్మక అంచనా తప్పిదం చైనా విషయంలో జరిగింది. 1970ల నుంచి చైనాను ప్రపంచ ఆర్థిక వ్యవస్థలోకి ఆహ్వానించి 2001లో ప్రపంచ వాణిజ్య సంస్థ (డబ్ల్యూ.టీవో)లో చేరేలా చేయడంలో అమెరికా కీలక పాత్ర పోషించింది. చైనా ప్రజాస్వామికంగా మారుతుందని.. ప్రపంచ నిబంధనలకు కట్టుబడి ఉంటుందని అమెరికా భావించింది. కానీ అమెరికా ఇచ్చిన పెట్టుబడులు, సాంకేతికత, మార్కెట్ అవకాశాలను వాడుకుని చైనా తనను తాను ఒక అగ్రరాజ్యంగా మలచుకుంది. నేడు అదే చైనా, అమెరికాకు ప్రధాన వ్యూహాత్మక ప్రత్యర్థిగా మారింది. ఈ అనుభవం అమెరికా విదేశాంగ విధానంలో ఒక రకమైన ‘అపనమ్మకాన్ని’ లేదా ‘జాగ్రత్తను’ పెంచింది. అందుకే ఇప్పుడు భారత్తో సంబంధాలను బలపరుచుకుంటున్నప్పటికీ, చైనా విషయంలో జరిగిన తప్పును ఇక్కడ పునరావృతం చేయకూడదనేది అమెరికా అంతర్గత ఆలోచన. భారత్ను ‘తొక్కేయడం’ కాదు.. ‘సమతుల్యం’ చేయడం.. భారత్ విషయంలో అమెరికా వ్యవహరిస్తున్న తీరును కేవలం ‘తొక్కేయడం’ అని కాకుండా, ‘అదుపులో ఉంచుతూ భాగస్వామ్యాన్ని పెంచుకోవడం’ అని చెప్పవచ్చు. అమెరికా ఉప విదేశాంగ కార్యదర్శి క్రిస్టోఫర్ లాండౌ వంటి వారి వ్యాఖ్యల ఉద్దేశ్యం భారత్ పురోగతిని అడ్డుకోవడం కాదు..భవిష్యత్తులో భారత్ మరో చైనాగా మారి తమకు సవాలు విసరకూడదనే ముందుజాగ్రత్త. ఇండో-పసిఫిక్ ప్రాంతంలో చైనా దూకుడును కట్టడి చేయడానికి భారత్ అత్యవసరమైన భాగస్వామి. అందుకే భారత్కు సాంకేతికతను, పెట్టుబడులను అందిస్తూనే పూర్తిగా తమపైనే ఆధారపడకుండా లేదా స్వతంత్రంగా ఎదిగి తమకు సవాలు కాకుండా ఉండేలా అమెరికా ఒక జాగ్రత్తాత్మక అడుగులు వేస్తోంది.
** భారత్ వ్యూహం: స్వయంప్రతిపత్తి
భారతదేశం తన దౌత్యపరమైన వ్యూహంలో చాలా స్పష్టంగా ఉంది. అమెరికాతో వ్యూహాత్మక భాగస్వామ్యాన్ని పటిష్టం చేసుకుంటూనే తన స్వతంత్ర విదేశాంగ విధానాన్ని వదులుకోవడానికి సిద్ధంగా లేదు. రష్యాతో చారిత్రక సంబంధాలు, గ్లోబల్ సౌత్ దేశాలతో బంధం, యూరప్తో వాణిజ్య సంబంధాలు-ఇలా బహుముఖ వ్యూహాలను భారత్ అనుసరిస్తోంది.అమెరికా ఆర్థిక
వనరులు, రక్షణ సాంకేతికత భారత్ అభివృద్ధికి అవసరమే అయినా భారత్ ఏ ఒక్క దేశం వైపు పూర్తిగా వంగిపోవడానికి ఇష్టపడదు.తన భౌగోళిక రాజకీయ ప్రాముఖ్యతను గుర్తించిన భారత్ “భాగస్వామ్యం అంటే బానిసత్వం కాదు” అనే ధోరణితో వ్యవహరిస్తోంది.
** భవిష్యత్తు సవాళ్లు అమెరికా తన పాత తప్పులను సరిదిద్దుకుంటూ భారత్తో సంబంధాలను నిర్మించుకోవడం ఒక పరిణతి చెందిన నిర్ణయం.అయితే భారత్ను నియంత్రించాలనే ప్రయత్నం చేస్తే, అది రెండు దేశాల మధ్య అపనమ్మకానికి దారితీయవచ్చు. భారత్ కూడా ప్రపంచంలో ఒక శక్తిగా ఎదిగే క్రమంలో తన ప్రయోజనాలను ఏమాత్రం రాజీపడకుండా చూసుకోవాలి.చైనా అనుభవం నుండి అమెరికా నేర్చుకున్న పాఠం,భారత్ను ఒక భాగస్వామిగా గౌరవించే దిశగా మళ్ళితే,రాబోయే రోజుల్లో ఆసియాలో కొత్త శక్తి సమతుల్యత ఏర్పడుతుంది.అమెరికా,భారత్ల మధ్య పరస్పర ప్రయోజనాల ప్రాతిపదికన సాగే ఈ ప్రయాణం.. ప్రపంచ రాజకీయాల్లో ఒక కొత్త అధ్యాయానికి నాంది పలుకుతుంది.
👉 ఇంస్టాగ్రామ్ లో పరిచయం పెళ్లి చేసుకుంటానని హ్యాండ్ ఇచ్చిన ప్రియుడు రక్షించిన పోలీసులు… తిరుపతి..
జూనియర్ ఇంటర్ పరీక్షలు రాసి ముక్కూ మొహం తెలియని వాడి కోసం విశాఖ నుంచి కావలికి వచ్చేసింది ఓ బాలిక. ఇన్స్టాగ్రామ్ లో పరిచయం అయిన కుర్రాడు, తిరుమలలో పెళ్లి చేసుకుందాం రమ్మని.మెసేజ్ పెడితే,.ఆ బాలిక విశాఖ నుంచి ఫ్రీ బస్సు ఎక్కి విజయవాడ వచ్చింది. అక్కడనుంచి కావలికి వచ్చింది.రాత్రి బస్టాండ్ లో దిగిన తరువాత వాడు లేడు. రాత్రి సమయంలో డ్యూటీలో ఉన్న పోలీసుకు అనుమానం వచ్చి నిలదీస్తే అసలు విషయం తెలిసింది. దీంతో అమ్మాయిని తమతో తీసుకెళ్లి, స్టేషన్లో మహిళా పోలీస్ కు అప్పజెప్పారు.సిఐ ఫిరోజ్ అమ్మాయిని విచారించి తల్లి తండ్రులను పిలిపించి అప్పజెప్పారు.బాలికకు కౌన్సిలింగ్ ఇచ్చారు.నేటి సమాజంలో అమ్మాయిల పై జరుగుతున్న అఘాయిత్యాల గురించి వివరించారు.ఒక వేళ ఆ మోసగాడు కనక నిన్ను కూడా తీసుకెళ్లి ఏదైనా చేస్తే ని జీవితం నాశనం అయ్యేది కదా అని,కౌన్సిలింగ్ ఇచ్చారు. తరువాత వచ్చిన తల్లి తండ్రులను చూస్తూనే ఆ బాలిక బోరున విలపించింది.కావలి పోలీసు అధికారులకు, వారి సిబ్బందికి ఆ బాలిక తల్లితండ్రులు కాళ్లకు దండం పెట్టీ తమ బిడ్డను కాపాడినందుకు కృతజ్ఞతలు చెప్పారు..ఈ సందర్భంగా సిఐ ఫిరోజ్ పిల్లల విషయంలో చాలా జాగ్రత్తగా ఉండాలని ఈ సోషల్ మీడియాలో ఏంకనిపెట్టాలని మీడియా ముఖంగా తల్లిదండ్రులకు సూచించారు..
👉 ప్రేమ విఫలమై ఆత్మహత్యకు పాల్పడిన యువకుడిని కాపాడిన ప్రకాశం జిల్లా కంభం పోలీసులు …
తాను ప్రేమించిన యువతి వేరే వ్యక్తిని పెళ్లాడడంతో మనస్థాపం చెందిన ఓ యువకుడు ఆత్మహత్యకు పాల్పడగా కంభం పోలీసులు కాపాడారు. కృష్ణాజిల్లా అవనిగడ్డకు చెందిన లింగం గౌతం అనే యువకుడు లండన్ లో మాస్టర్స్ డిగ్రీ చేసిన గౌతమ్ కొన్నాళ్లుగా కంభం లో నివాసం ఉంటున్నాడనీ,చదువుకునే సమయంలో గౌతమ్ తన క్లాస్మేట్ ను ప్రేమించినట్లు సమాచారం..అయితే ఆ అమ్మాయికి వేరే వ్యక్తికి ఇచ్చి పెళ్లి చేయడంతో మనస్థాపం చెంది ఆత్మహత్యకు పాల్పడ్డాడు. ఈ మేరకు గౌతం తన స్నేహితునికి ‘మిస్ యు’ అని మెసేజ్ పెట్టడంతో ఆందోళన చెందిన స్నేహితులు, 112 కు ఫోన్ చేసి పోలీసులకు సమాచారం అందించారు దీంతో వెంటనే స్పందించిన కంభం ఎస్సై శివ కృష్ణారెడ్డి తన సిబ్బందితో కలిసి గౌతమ్ ఫోన్ సెల్ ఫోన్ ద్వారా ట్రేస్ అవుట్ చేసి అతను కంభం రైల్వే స్టేషన్ లో సమీపంలో ఉన్నట్లు తెలుసుకొని, గౌతమ్ ను అదుపులోకి తీసుకొని అతని సోదరికి సమాచారం అందించి ఆమెను పిలిపించి గౌతమ్ ను అప్పజెప్పారు .
